İslam İnqilabı Keşikçiləri Korpusunun donanması gəmi əleyhinə qanadlı raketlərlə silahlanmış yüksək sürətli gəmi nümayiş etdirib.

Bizimyol.info xəbər verir ki, bu barədə İranın "Mehir" xəbər agentliyi məlumat yayıb.

"Raketlərin düşmən esmineslərini vurmağa qadir olduğu bildirilir və bu, hazırda İranın dəniz müdafiə qabiliyyətini xeyli gücləndirib. Gəmi "Şəhid Delvari" adlanır. O, iddia edilən 110 düyün (203 km/saat) sürətlə gəmi əleyhinə qanadlı raketləri vurmağa qadirdir",  deyə agentlik qeyd edib.

"Yeni gəminin İranın müdafiə strategiyasında, xüsusilə onun ərazi sularının təhlükəsizliyinin təmin edilməsində və regionda potensial təhlükələrə qarşı mübarizədə mühüm rol oynayacağı gözlənilir", - deyə "Mehir" əlavə edib.

Qadir, Bizimyol.info