"Meta" Malayziyanın baş naziri Ənvər İbrahimin etdiyi Haniyə yazılarını sildiyinə görə üzr istəyib və postları bərpa edib.

Bizimyol.info "webtekno"ya istinadən xəbər verir ki, HƏMAS Siyasi Bürosunun rəhbəri İsmayıl Haniyənin vəfatı ilə bağlı Malayziyanın baş naziri Ənvər İbrahim sosial media hesablarında başsağlığı mesajı paylaşıb. Bu yazı daha sonra "Meta" tərəfindən İbrahimin "Facebook" və "Instagram" hesablarından silinib.

"Meta" açıqlaması ilə bağlı yazıların "əməliyyat xətası" səbəbindən silindiyini bildirərək üzr istəyib və postları bərpa edib.

Bəyanatda: "Baş nazirin "Facebook" və "Instagram" səhifələrindən məzmunun silindiyi və məzmunun düzgün xəbər dəyərli hashtag ilə bərpa edildiyi əməliyyat xətasına görə üzr istəyirik", - deyə xirkət bildirib.

O, izahat istədi

Yazılar silindikdən sonra Malayziya "Meta"dan məsələ ilə bağlı açıqlama tələb edib və ölkədə "Meta" platformaları üçün boykot çağırışı edilib. Ənvər İbrahimin paylaşımlarında HƏMAS rəsmisi ilə görüşünün videosu və Qətərdə Haniyə ilə çəkdirdiyi foto yer alıb.

"Meta" HƏMAS-ı "təhlükəli təşkilat" olaraq görür və buna görə də HƏMAS haqqında yazılara icazə vermir. Malayziyanın Rabitə Naziri Fəhmi Fadzil və Baş nazirlik rəsmiləri açıqlama almaq üçün "Meta" nümayəndələri ilə görüşüb. Görüşdən sonra mətbuata açıqlamasında: "Sosial platforma olan "Meta"nın hərəkətləri ayrı-seçkilik, ədalətsiz və ifadə azadlığının açıq şəkildə boğulmasıdır", - deyə qeyd edib.

ABŞ-da yerləşən "Meta"ya görə, HƏMAS "terror təşkilatı" kimi təsnif edilir və alqoritmlər təşkilatı tərifləyən məzmunu qadağan edir və silinir.

Qadir, Bizimyol.info