Nazir Uraloğlu, Nəqliyyat və İnfrastruktur Nazirliyi rəsmiləri ilə "Instagram" rəsmilərinin bu gün görüşəcəyini açıqlayıb.

Bizimyol.info xəbər verir ki, Türkiyə mətbuatının verdiyi məlumata görə, avqustun 2-dən ölkədə "Instagram"a giriş bloklanıb. Qərar kataloq cinayətləri çərçivəsində birdən çox məzmunla bağlı pozuntuların aşkarlanması ilə əlaqədar qəbul edilib.

"Instagram"a giriş qadağası hələ aradan qaldırılmasa da, nazir Uraloğludan əhəmiyyətli bir açıqlama gəlib. Nazir Uraloğlu sosial media hesabındakı paylaşımında: “Keçən həftə kataloq cinayətləri çərçivəsində həyata keçirdiyi siyasətə görə girişini blokladığımız "Instagram" sosial media platformasının rəsmiləri ilə görüş keçirilib. Keçirilən yığıncaqda qarşı tərəfə Türkiyə Cümhuriyyətinin qanunlarına riayət olunması ilə bağlı həssaslıqlarımız çatdırıldı. Bu gün günorta onlarla yenidən görüşəcəyik. Ümid edirik ki, tələblərimizi yerinə yetirmək üçün lazım olanı edəcəklər; Biz müsbət irəliləyişlərin olacağını gözləyirik", - deyə qeyd edib.

"CNN TÜRK"ün redaktoru Gülşen Coşqun "Instagram" və BTK rəsmilərinin görüşü ilə bağlı aşağıdakı açıqlamalardan istifadə edib: "Kataloq cinayətləri adlandırdığımız internetdə nəşrləri tənzimləməyə yönəlmiş qanundur. Bu qanunun bir maddəsində cinayətlərin kataloqu var və o, bir neçə maddədən ibarətdir. Kataloq cinayətlərinə Atatürkə qarşı ifadələr, uşaq istismarı, qumar oyunları və milli təhlükəsizliyə qarşı cinayətlər daxildir. BTK bu məzmunların silinməsini istəyib, lakin mənfi cavab aldıqdan sonra "Instagram"a giriş bağlanıb.Bu nöqtədən sonra danışıqlar başlayıb. Görüşlər zamanı: "Türkiyənin həssas olduğu məsələlər var, biz onlara giriş baryeri qoymaq istəyirik" deyildi.

İkili standartlar məsələsi də var. Avropa və ABŞ-ın tələblərinə dərhal reaksiya verilməsi də gündəmdə idi. Son vəziyyət necə olacaq? Günorta iclasında görəcəyik".

Qadir, Bizimyol.info