Dənizlərdə milyardlarla rast gəlinən və ümumiyyətlə təhlükəli olaraq bildiyimiz meduzaların bir çox xüsusiyyətləri ilə yanaşı başqa bir diqqət çəkən xüsusiyyəti də var. Bunun fəqlilik onlarda nə beyni, nə də ürəyinin olmamasıdır. Bəs onlar bu şəkildə necə sağ qalırlar?
Bizimyol.info "webtekno"ya istinadən xəbər verir ki, meduzalar ilk baxışdan adi dəniz canlıları kimi görünsələr də, çox maraqlı quruluşa malik bu həyat mübarizəsinin arxasında bəzi bioloji səbəblər dayanır.
Onların sadə, lakin effektiv strukturuna daha yaxından nəzər salaq.
Meduzaların mərkəzi sinir sistemi yoxdur
Bunun əvəzinə onların sinir hüceyrələri bədənlərinin ətrafına səpələnmişdir. Sinir hüceyrələri toxunma və ya kimyəvi dəyişikliklər kimi xarici stimullara tez cavab verir. Beyin əvəzinə hərəkətlərini koordinasiya edir və neyron şəbəkəsi sayəsində qidanı tuturlar.
Meduzaların ürəyi yoxdur, bəs onlar necə sağ qalırlar?
Bunun cavabı bədənlərinin çoxunun su ilə dolu olmasında gizlidir. Meduzanın bədəni təxminən 95 faiz sudan ibarətdir. Su bədənlərindəki maddələrin diffuziya yolu ilə daşınmasına imkan verir.
Beləliklə, qida və oksigen hüceyrələrə asanlıqla çatarkən, tullantılar hüceyrələrdən çıxarılır. Sadə, lakin effektiv sistem həm də meduzalara ürəksiz yaşamağa imkan verir.
Meduzaların həyatda qalma strategiyaları arasında qidalanma və müdafiə mexanizmləri də mühüm yer tutur
Dedik ki, meduzalar ovlarını çadırlarındakı xüsusi hüceyrələr sayəsində tuturlar. Bu hüceyrələr ovlarını onlarla təmasda olduqda iflic edən zəhərli maddələr ifraz edirlər. Beləliklə, ovlarını asanlıqla tutub yeyirlər.
Bundan əlavə, meduzaların müdafiə mexanizmləri də çox təsirlidir. Bədənlərindəki rəngli naxışlar və şəffaf quruluşu sayəsində düşmənlərindən gizlənə bilirlər. Bəzi meduzalar yırtıcılarını çaşdırmaq üçün bioluminesans (işıq çıxarma) qabiliyyətlərindən də istifadə edirlər.
Sudakı cərəyanlarla sürüklənərək hərəkət edən meduzalar sadə quruluşları sayəsində enerjilərindən səmərəli istifadə edirlər. Bu, onlara beyin və ürək olmadan da yaşamağa imkan verir.
Qadir, Bizimyol.info
