ABŞ və Böyük Britaniya süni intellektin təhlükəsizliyi sahəsində əməkdaşlıq edəcəklərini açıqlayıb. Ölkələr təhlükəsizliklə bağlı bir çox birgə araşdırmalar, o cümlədən sınaqlar aparacaq.

Bizimyol.info "webtekno"ya istinadən xəbər verir ki, dünyadakı səlahiyyətlilər süni intellektin yaratdığı risklərə görə bu mövzuda ehtiyat tədbirləri görməyə başlayıb.

Məsələn, Avropa İttifaqı bir neçə həftə əvvəl dünyada ilk böyük süni intellekt qanununu rəsmən qəbul edib. Bu gün belə bir hərəkət ABŞ və Böyük Britaniyadan gəlib. ABŞ və Böyük Britaniya hökumətləri təhlükəsizlik riski yaradan süni intellekt modellərini izləmək və idarə etmək üçün əməkdaşlıq ediblər. Əlavə edək ki, hər iki ölkə bu tərəfdaşlıq çərçivəsində birgə çalışacaq və ən azı bir birgə təhlükəsizlik testi həyata keçiriləcək.

İki ölkə; məlumat mübadiləsi, kadr mübadiləsi və texniki tədqiqatlar apara bilir

Həm ABŞ, həm də Böyük Britaniya süni intellektə gəldikdə təhlükəsizliyin əsas narahatlıq doğurduğu qənaətindədir. ABŞ prezidenti Co Bayden əvvəllər şirkətlərə təhlükəsizlik testləri barədə məlumat verməyi əmr etmişdi. Digər tərəfdən Böyük Britaniyanın Baş naziri Ruşi Sunak "OpenAI", "Meta" və "Google" kimi şirkətlərinmaşınlarının yoxlanılmasına icazə verməli olduqlarını və ölkədə "Süni İntellekt Təhlükəsizlik İnstitutu"nu qurmaları lazım olduğunu bildirib.

Bugünkü tərəfdaşlıq bu səylərin birləşdiriləcəyini nümayiş etdirir. Müqavilə;  texniki araşdırma, kadr mübadiləsi və məlumat mübadiləsi kimi mövzuları əhatə edir. ABŞ-ın ticarət naziri Gina Raimondo əlavə edir ki, hökumət “dünyada süni intellekt təhlükəsizliyini artırmaq üçün” digər ölkələrlə bu cür tərəfdaşlıqlara sadiqdir. O, qeyd edib ki, beləliklə, tezliklə daha çox ölkədən belə hərəkətlər görə bilərik.

Qadir, Bizimyol.info