ABŞ-da keçirilən sorğu iştirakçıların təbii yolla çəkilən video ilə süni intellekt modeli "Sora"nın yazılı əmrlərlə istehsal etdiyi görüntülər arasındakı fərqi ayırd etməkdə çətinlik çəkdiklərini bildiriblər.

Bizimyol.info "trthaber"ə istinadən xəbər verir ki, “Variety” jurnalının "HarrisX" şirkətinin keçirdiyi sorğuya əsasən verdiyi məlumata görə, insanların çoxu "OpenAI" tərəfindən hazırlanmış Sora ilə yaradılmış videoları real həyatda çəkilmiş videolardan ayırmaqda çətinlik çəkir.

Sorğuda 1000-dən çox yetkin iştirakçıdan "Sora" ilə yaradılmış "real" və təsadüfi seçilmiş real videolardan hansının süni intellekt tərəfindən istehsal edildiyi və hansının real olduğu soruşulub.

İştirakçıların əksəriyyətinin ümumilikdə 8 təsvirdən 5-nin mənbəyini müəyyən etməkdə çətinlik çəkdiyi müşahidə edilib.

İştirakçıların 60 faizi ABŞ-ın Kaliforniya əyalətində "Sora" ilə birlikdə yaradılan “Biq Surun Gəray Point çimərliyi boyunca sərt qayalara çırpılan dalğaların dron görüntüsünün” süni intellekt tərəfindən hazırlandığını düzgün müəyyən edə bilməyib.

Proqnozlarından sonra hissləri soruşulan iştirakçıların əksəriyyəti texnologiyanın yeniliklərinə açıq olduqlarını ifadə edərkən, bəziləri isə sözügedən hadisələrin "qorxulu" və ya "narahatedici" olduğunu qeyd ediblər.

Amerikalıların əksəriyyəti hesab edir ki, sosial media platformalarında süni intellektin istifadəsi ilə bağlı qaydalar tətbiq edilməlidir.

Qadir, Bizimyol.info