İsrailin Qəzzada Türk-Fələstin Dostluq xəstəxanasını vurması bu ölkənin haqq, hüquq və insani dəyərlərin tanımadığının sübutudur.

APA-nın verdiyi xəbərə görə, bu barədə Prezident Rəcəb Tayyib Ərdoğan Nazirlər Kabinetinin iclasından sonra xalqa müraciətində bildirib.

O qeyd edib ki, İsrailin hücumları nəticəsində indiyədək əksəriyyəti körpə, uşaq və qadın olmaqla 8 500 fələstinli həlak olub: “Qəzzada törədilmiş hərbi cinayətlərin təqsirkarlarının qanun qarşısında cavab verməsini təmin etmək üçün danışıqlarımız davam edir”.