“Azərbaycan bəyan edir ki, Ermənistanla Azərbaycan arasında sərhəd yoxdur və bu, Alma-Ata bəyannaməsinə və son razılaşmalara ziddir”. Bu sözləri Ermənistanın baş naziri Nikol Paşinyan Avropa Parlamentindəki çıxışında deyib. O, bildirib ki, Ermənistan və Azərbaycan liderləri sərhədlərin delimitasiyası üçün siyasi əsas kimi 1991-ci il Alma-Ata Bəyannaməsinə birmənalı sadiqliklərini dəfələrlə təsdiqləyiblər. Paşinyan vurğulayıb ki, Alma-Ata Bəyannaməsi Sovet İttifaqının on iki respublikası tərəfindən 1991-ci il dekabrın 21-də imzalanıb. Bu bəyanatda iki mühüm fakt var idi: “Sovet İttifaqı mövcud olmağı dayandırır; respublikalar bir-birinin ərazi bütövlüyünü, suverenliyini, mövcud yəni inzibati sərhədlərin toxunulmazlığını tanıyır, ona görə də Sovet İttifaqı respublikaları arasında mövcud olan inzibati sərhədlər dövlət sərhədlərinə çevrilir”...
2020-ci il 44 günlük Vətən Müharibəsində qələbədən sonra Azərbaycan dəfələrlə fərqli formatlarda Ermənistanla sülh müqaviləsi istiqamətində danışlqarda iştirak etdi. Ancaq ermənilər hər dəfə bu danışıqlarda müxtəlif intriqalar yaradaraq, görüşləri mənasızlaşdırırdı. Qarabağ da separatçıların əlində idi...
Bu ilin 19-20 sentyabrında Azərbaycan lokal antiterror tədbiri keçirərək, Qarabağı separatçılardan təmizlədi. Daha sonra Qranada görüşü təyin edildi ki, liderlər qarşılıqlı müzakirələr apararaq, ölkələrin ərazi bütövlüyünü təyin etsin. Azərbaycan Türkiyənin görüşdə iştirakını təkid etsə, Türkiyə görüşə dəvət edilmədiyi üçün Azərbaycan preizdenti də görüşdən imtina etdi. Görüş Azərbaycanın iştirakı olmadan keçirildi və Nikol Paşinyan Azərbaycanın ərazi bütövlüyünü tanınması ilə bağlı sənəd imzaladı. Azərbaycanın iştirakı olmadan Azərbaycanın müzakirəsi və yaxud ərazi bütövlüyünün tanınması nəyi dəyişə bilərdi ki?... Beləliklə, sülh müqaviləsinə gedən yolda yeni "əmma"lar yaranmağa başlayıb. Bu gün Azərbaycan sərhıdləri delimitasiya və demarkasikasiya edilməlidir. Bundan sonra ölkələr sülh müqaviləsinin imzalanmasından danışa bilər. Ermənistanın baş naziri dəfələrlə müxtəlif formatlarda Ermənistanın sülh istədiyini, Azərbaycanın ərazi bütövlüyünü tanıdığını deyir. Amma bunu niyə daha əvvəl demirdi? Çünki artıq qorxur. Qorxur ki, Azərbaycan əzəli torpaqlarını tələb edə bilər. Bu səbəbdən də, 1991-ci ilin xəritələrindəki sərhədləri tanıyır.
Milli Məclisin deputatı Elşad Mirbəşiroğlu Bizimyol.info xəbər portalına açıqlamasında bildirib ki, bu gün də Qazax rayonunun 7, Naxçıvanın 1 kəndi Ermənistanın faktiki işğalı altındadır. Ermənistan Azərbaycan ərazilərini rəqəmlərlə ifadə edərək ərazi bütövlüyünü tanıdığını bildirirsə, bunun ardınca dərhal real addımlar da atmalıydı. Sərhədlərin delimitasiyasının-demarkasiyasının aparılması istiqamətində artıq Ermənistanın özü də təşəbbüsü irəli sürməlidir. Çünki ən çox sülhdən danışan bu gün elə Ermənistandır. Sülh prosesini əngəlləyən də özü olduğu üçün sülhdən Ermənistan daha çox danışır. Bu səbəbdən də, Ermənistan bir növ özünü sığortalamağa çalışır. Ermənistan hələ də Qərbin diqtəsi ilə Cənubi Qafqaz regionunda gərginlik elementlərinin qalmasında maraqlıdır.
Milli Məclisin deputatı Elşad MirbəşiroğluDeputat hesab edir ki, sərhədlərimizin delimitasiyasının-demarkasiyasının aparılması üçün Azərbaycanın kifayət qədər gücü və iradəsi var.
“Azərbaycanın yaratdığı reallıq həm də ondan ibarətdir ki, bu gün sülh Ermənistana lazımdır. Azərbaycan Ermənistanla sülh olmasa da yaşaya bilər. Biz öz ərazilərimizi işğaldan azad etmişik, bütün ərazilərimiz boyunca suverenliyimizi təmin etmişik. Və regiondakı bütün strateji lahiyələrdə də mərkəzi mövqelərə rola təşəbbüslərə sahibik. Azərbaycan iqtisadiyatı kifayət qədər sürətlə inkişaf edir. Artıq biz yeni bir obrazda beynəlxalq münasibətlər və əməkdaşlıq sistemində də iştirak etməkdəyik. Çünki ərazi bütövlüyümüzü təmin etmişik. İşğaldan azad etdiyimiz ərazilərin böyük iqtisadi potensialını kifayət qədər dinamikliklə ümummilli iqtisadi inkişaf dövriyyəsinə qatmaqdayıq”-deyə deputat bildirib.
Elşad Mirbəşiroğlunun sözlərinə görə, təbii ki, bütün bunlar onu göstərir ki, Azərbaycan bu gün kifayət qədər yaxşı, hər mənada perspektivli mərhələdədir. Sülh haqqında Ermənistan daha çox düşünməlidir.
Deputat qeyd edib ki, Ermənistan özünün ağır vəziyyətini nəzərə alaraq nəhayət bir seçim etməyi bacarmalıdır. Bu seçim də ondan ibarətdir ki, Azərbaycanla münasibətlərini normallaşdırsın. Əks halda, Ermənistan üçün heç bir mənada inkişaf olmayacaq.
İradə Cəlil, Bizimyol.info
