Amerikalı metal qrupu "Earth" musiqiçiləri səhnəyə çıxmazdan əvvəl məkanın təşkilatçıları ilə fikir ayrılığından sonra Bolonyadakı çıxışını ləğv edib.

Bizimyol.info xəbər verir ki, konsert qrupun Avropa turnesinin bir hissəsi kimi baş tutması planlaşdırılıb.

Çıxışdan əvvəl qrup səhnənin Fələstin bayrağı ilə bəzədildiyini aşkar edib. Musiqiçilər təşkilatçılardan simvolu yığışdırmalarını istəyiblər və belə bir siyasi simvolun olduğu səhnədə çıxış etmək istəmədiklərini bildirdilər.

Təşkilatçılar səhnədən bayrağı çıxarmaqla razılaşmayıb. Daha sonra qrup çıxış etməmək qərarına gəlib və konsert ləğv edilib. Bu vaxta qədər bəzi tamaşaçılar artıq məkana daxil olmuş və açılış ifaçıları artıq çıxış etmişdilər.

Məkan nümayəndələri daha sonra konserti pozmaq riskinə baxmayaraq, qəsdən bayrağı yığışdırmamağı seçdiklərini təsdiqləyiblər. Qrupun özü sənətçilərin razılığı olmadan musiqili çıxış zamanı siyasi simvolların istifadəsinə razı olmadığını bildirib.

Qadir, Bizimyol.info