Tramp administrasiyası İlon Maskın "SpaceX"dən asılılığından tədricən uzaqlaşaraq "Qızıl Günbəz" raketdən müdafiə layihəsi üçün aktiv olaraq alternativ podratçılar axtarmağa başlayıb.

Bizimyol.info xəbər verir ki, bu, iyunun 5-də ictimai mübahisə ilə nəticələnən Tramp və Mask arasında şəxsi və işgüzar münasibətlərin korlanmasının nəticəsidir.

"Reuters" agentliyinin məlumatına görə, "Amazon"un "Kuiper", "Stoke Space", "Rocket Lab", eləcə də ənənəvi müdafiə nəhəngləri - "Lockheed Martin", "Northrop Grumman", "L3Harris" kimi yeni tərəfdaşlar nəzərdən keçirilir.

"SpaceX" hələ də buraxılış təcrübəsinə (9000-dən çox Starlink peyki) görə lider hesab edilsə də, şirkətin proqramdakı payı azaldıla bilər.

Pentaqon indiyədək 3000 peykindən yalnız 78-ni kosmosa göndərən "Kuiper"i "Qızıl Günbəz" sistemində iştirak etməyi düşünməyə dəvət edib.

Yeni hava hücumundan müdafiə sisteminin planları İsrailin "Dəmir Qübbə"sini xatırladır, lakin Amerika versiyası daimi müşahidə və təhlükələrin monitorinqini təmin etmək üçün aşağı orbitli peyklərin böyük şəbəkəsini tələb edəcək.

175 milyard dollarlıq təşəbbüs Trampın ikinci müddətinin başlamasından dərhal sonra başladılıb. O, tam plan hazırlamaq üçün 120 gün vaxtı olan Kosmik Qüvvələrin generalı "Michael Guetlein"ə həvalə edilib.

"Palantir" və "Anduril" kimi yeni iştirakçılar da layihədə pay ala bilərdilər. Bununla belə, "Kuiper" kimi kommersiya peyk sistemlərinin cəlb edilməsi kiberhücumlara və elektron müharibəyə qarşı həssaslıqla bağlı narahatlıq doğurur.

Qadir, Bizimyol.info