“24.06.2025-ci il tarixi Azərbaycan üçün çox önəmli və tarixi bir gündür. Enerji təhlükəsizliyi və iqtisadi inkişaf ölkəmizin əsas prioritetlərindən biridir. Mingəçevirdə istifadəyə verilən “8 Noyabr” Elektrik Stansiyası ölkəmizin enerji imkanlarını genişləndirən, iqtisadi və sosial inkişafı stimullaşdıran mühüm bir layihədir. Bu günə qədər həyata keçirilən enerji layihələri ilə Azərbaycan öz enerji resurslarını daha səmərəli və dayanıqlı şəkildə istifadə edir, həmçinin regionda liderlik mövqeyini gücləndirir. Bu mərasim, həmçinin, ölkəmizin hər bir vətəndaşının rifahını yüksəltmə və enerji sahəsində yeni mərhələnin başlanğıcıdır”.
Bu barədə Bizimyol.info xəbər portalına açıqlamasında politoloq Nicat İsmayılov danışıb. Politoloq qeyd edib ki, istifadəyə verilən “8 Noyabr” Elektrik Stansiyası ölkəmizin ən böyük və ən müasir elektrik stansiyasıdır: “Bu layihə müasir texnologiyalar və yüksək peşəkarlıqla inşa olunmuşdur və Azərbaycanın enerji ehtiyaclarını tam şəkildə təmin etmək məqsədilə nəzərdə tutulmuşdur. Stansiyanın ümumi gücü və texnoloji imkanları ölkəmizin enerji sistemində yeni imkanlar yaradacaq, regionda enerji təhlükəsizliyini gücləndirəcəkdir”.
Nicat İsmayılovPolitoloqun fikrincə, bu layihə iqtisadiyyatımızın inkişafına və regionda əmək imkanlarının genişlənməsinə böyük töhfə verəcək.
“Bu stansiya, Azərbaycanda enerji sənayesinin inkişafında yeni mərhələdir və gələcəkdə daha çox enerji layihəsinin əsasını qoyacaq. Həmçinin, bu layihə yerli işçi qüvvəsinin peşəkarlığını artırmağa və texnoloji biliklərin genişlənməsinə dəstək verir.
Ulu Öndər Heydər Əliyevin təşəbbüsü və bilavasitə rəhbərliyi ilə 1974-cü ildə Mingəçevirdə “Azərbaycan” İstilik Elektrik Stansiyasının təməli qoyulmuşdur. Azərbaycanın enerji tarixində önəmli və yaddaqalan bir hadisə isə Ulu Öndər Heydər Əliyevin təşəbbüsü ilə 1974-cü ildə Mingəçevirdə “Azərbaycan” İstilik Elektrik Stansiyasının inşasının başlanmasıdır. Bu layihə ölkəmizin enerji təminatında və iqtisadi inkişafında dönüş nöqtəsi olmuşdur. Mingəçevirdəki enerji obyektlərinin inkişafı və müasir texnologiyalarla təchizatı, Azərbaycanın enerji strategiyasının əsasını təşkil edir. Bugün isə, bu ənənə davam edir və yeni nəsil elektrik stansiyasının açılışı ilə keçmişlə gələcək arasında möhkəm bağ qurulur. Bu, həm də Azərbaycan dövlətinin enerji sahəsindəki uğurlarının və inkişaf strategiyasının göstəricisidir”-deyən politoloq bildirib ki, Heydər Əliyevin enerji siyasətinə verdiyi önəm bu gün də ölkəmizin enerji təhlükəsizliyinin əsas dayağıdır.
İradə Cəlil, Bizimyol.info
