Azərbaycan Avtomobil Dilerləri Assosiasiyası (AADA) 9-11 may tarixlərində “Yaşıl ölkə” adı altında elektrik avtomobillərin növbəti sərgisini təşkil etdi.

Sərginin rəsmi açılışından öncə Azərbaycan Avtomobil Dilerləri Assosiasiyasının üzvləri Ulu Öndər, müasir Azərbaycanın banisi Heydər Əliyevin doğum gününə həsr olunan ənənəvi avto-yürüşü təşkil etdilər. Ekoloji avtomobil karvanı paytaxt küçələrində fəxri dövrə vurduqdan sonra “Yaşıl ölkə” sərgisinə qatıldılar.

Tədbirin rəsmi media tərəfdaşı Bizimyol.info xəbər verir ki, “Park Bulvar” AVM ərazisində qurulan ekspozisiyada rəsmi dilerlərin təqdimatında ən müasir elektrik nəqliyyat vasitələri nümayiş olundu.

Sərginin təşkilatı dəstəkçisi Azərbaycan Avtomomobil Federasiyasıdır (AAF).