"Facebook", "Instagram" və "WhatsApp"ın sahibi "Meta" süni intellekt və davamlılıq hədəfləri çərçivəsində 2030-cu illərin əvvəllərində istifadəyə veriləcək sistemlər üçün nüvə enerjisi inkişaf etdiriciləri axtardığını açıqlayıb.
Bizimyol.info "AA"ya istinadən xəbər verir ki, "Meta" tərəfindən edilən şərhdə, həm şirkətin məlumat mərkəzlərini, həm də ətrafdakı birlikləri idarə edən elektrik şəbəkələrinin böyümə ehtiyaclarını dəstəkləmək üçün nüvə enerjisinin əhəmiyyətinə diqqət çəkilib.
“Artan enerji ehtiyaclarını ödəmək üçün elektrik şəbəkələri genişləndikcə, təmiz enerjinin inkişafının dəstəklənməsi prioritet olaraq qalmalıdır. Biz “Meta”da nüvə enerjisinin daha təmiz, daha etibarlı və şaxələndirilmiş elektrik şəbəkəsinə keçiddə mühüm rol oynayacağına inanırıq. Buna görə də, süni intellekt və davamlılıq məqsədlərinə nail olmaq üçün nüvə enerjisini inkişaf etdirənləri müəyyən etmək üçün təkliflər sorğusu veriləcək”, - deyə Bəyanatda qeyd edilib.
Açıqlamada məqsədin ABŞ-da 2030-cu illərin əvvəlindən təhvil veriləcək 1-4 giqavatlıq yeni nüvə istehsal gücünün əlavə edilməsi və yeni nüvə generatorlarının inkişafının sürətləndirilməsi olduğu, inkişaf etdiricilər "Meta"nın enerji ehtiyaclarını dəstəkləmək, sənayenin miqyasını artırmaq və karbonsuzlaşdırmanı inkişaf etdirməklə xərcləri azaltmaq üçün düşünülüb.
Bəyanatda qeyd olunub ki, bu stansiyalara icazə verəcək, layihələndirəcək, mühəndis edəcək, maliyyələşdirəcək, tikəcək və istismar edəcək tərəfdaşlarla işləmək nüvə texnologiyasını sürətləndirmək üçün lazım olan uzunmüddətli baxışı təmin edəcək.
"Meta"nın nüvə enerjisi inkişaf etdiriciləri axtardığını elan etməsi, məlumat mərkəzlərindən artan enerji tələbatını ödəmək üçün şirkətlərin nüvəyə üz tutmasının yeni bir nümunəsidir.
"Microsoft" sentyabr ayında "Three Mile Island" elektrik stansiyasında əməliyyatların yenidən başlaması üçün müqavilə imzalayıb. Oktyabr ayında "Google" kiçik modul reaktor (SMR) istehsalçısı "Kairos Power"dan enerji alacağını açıqlayıb.
Həmin ay "Amazon" karbonsuz enerjiyə keçid planının bir hissəsi olaraq SMR müqavilələri imzalayıb.
Qadir, Bizimyol.info
