Alman avtomobil istehsalçısı "Volkswagen Group", son illərdə aşağı rentabellik səbəbindən ən azı üç fabrikini bağlamağı planlaşdırır. Minlərlə işçinin işsiz qalacağı gözlənilir. Həmkarlar ittifaqı işçiləri tətilə çağırıb.
Bizimyol.info xəbər verir ki, "Volkswagen" üçüncü rübdə mənfəətinin 41,7 faizini itirdiyi üçün maliyyə böhranı ilə üzləşib və şirkət Almaniyadakı bəzi fabriklərini bağlamağı planlaşdırır.
Avtomobil tədarüklərində 7,1% azalma qeydə alan şirkət minlərlə işçini ixtisar etməyi və qalan obyektlərini ixtisar etməyi planlaşdırır.
Ümumi İş Şurasının sədri Daniela Kavallo: "Bu, Almaniyanın ən böyük sənaye qrupunun öz daxilində ixtisar edilməsi planıdır", - deyə açıqlama verib.
TRT News-un suallarını cavablandıran Avtomobil Sektoru Mütəxəssisi Mehmet Dilek bu böhranın digər Alman avtomobil istehsalçılarına da sirayət edə biləcəyini bildirib.
"Volkswagen" ilə işçiləri arasında ciddi böhranların olacağını ifadə edən Dilek: "Avtomobil istehsalçısı "Volkswagen" böhran zamanı işçilərin maaşlarının 20 faizinə qədər imtina etməsini tələb edib. Həmkarlar ittifaqları buna çox kəskin etiraz edirlər. Birincisi, fabriklərin bağlanmasına qarşı çıxıblar. İkincisi, bildirirlər ki, işçilərin maaşlarından hər hansı şəkildə imtina etməsi qətiyyən yolverilməzdir",- deyib.
30 ildir Almaniyada avtomobil sənayesində çalışan Dilek deyir ki, "Volkswagen"dəki böhran digər Alman avtomobil istehsalçılarına da təsir edəcək. Dilek: “Bu, təkcə "Volkswagen" üçün deyil, "Mercedes" və "BMW" üçün də problemdir. Çünki dəyişikliyə istədikləri qədər tez yetişə bilmirdilər. Onlar xeyli geridə qalıblar. Məsələn, "Tesla" Berlin yaxınlığında fabrik tikdi. Burada 12 min nəfər çalışır. Onların əksəriyyəti Berlindəki "Mercedes" fabriklərində çalışan işçilər idi. Bundan əlavə, Çin istehsalı olan avtomobillərin çox sürətlə, ucuz və daha yüksək keyfiyyətlə dünyaya yayılması Almaniya bazarını çox narahat edir və təsir edir. Çünki qiymətlər həqiqətən çox aşağıdır, demək olar ki, üçdə birini təşkil edir”, - deyə mütəxəssis qeyd edib.
Qadir, Bizimyol.info
