Əgər Yerə dəyən ildırımın temperaturu Günəşin səthinin temperaturundan qat-qat yüksəkdirsə, məntiqlə o, Yeri yandırmalıdır, lakin bəzi amilləri nəzərə almalıyıq.

Bizimyol.info "webtekno"ya istinadən xəbər verir ki, Günəşin səthinin temperaturu təqribən 5500°C olduğu halda, ildırımın temperaturu 30.000°C-ə çata bilir.

İldırım enerjisinin müddəti və sahəsi fərqlidir

Bəli, ildırım həqiqətən inanılmaz dərəcədə istidir, lakin bir neçə mikrosaniyə ərzində və dar bir ərazidə baş verir. Buna görə də, temperatur yüksək olsa belə, istilik; Uzun müddət yayılmır və təsir sahəsi geniş deyil.

Bundan əlavə, ildırımın yaratdığı enerji atmosferə sürətlə dağılır və ətrafdakı havanı anında qızdıraraq onun genişlənməsinə səbəb olur. Bu genişlənmə ildırım kimi eşitdiyimiz səsin mənbəyidir! Ancaq bayaq qeyd etdiyimiz kimi, enerji kifayət qədər geniş bir sahəyə və ya müddətə təsir etmir.

Bunda atmosferin də rolu var

İldırım adətən atmosferin yuxarı qatlarından yerə çatır. Atmosfer bu yüksək temperaturların Yer səthinə ciddi ziyan vurmasının qarşısını almaq üçün maneə rolunu oynayır. Atmosferdəki qazlar istiliyi udur və paylayır.

Nəhayət, sıxlıq fərqi haqqında danışa bilərik. Günəşin istiliyi davamlı olaraq geniş bir əraziyə yayıldığı üçün onun planetimizə təsiri daha böyükdür. Digər tərəfdən, ildırım kiçik bir əraziyə təsir edir. Beləliklə, başlanğıcda dediyimizə qayıdırıq: Təsir sahəsi və müddəti kiçikdir.

Qadir, Bizimyol.info