ABŞ-ın keçmiş prezidentləri Abraham Linkoln, Ceyms Qarfild, Uilyam MakKinli və Con Kennedi sui-qəsd nəticəsində həlak olublar. ABŞ-ın keçmiş prezidenti Donald Trampa qarşı sui-qəsd cəhdinin ABŞ siyasi tarixində çoxlu nümunələri var.

Bizimyol.info "AA"ya istinadən xəbər verir ki, ABŞ-da vəzifədə olarkən öldürülən ilk lider Abraham Linkoln olub. Linkoln hücumdan bir gün sonra ölüb.

Ölkədə bir çox prezidentlər, keçmiş prezidentlər və prezidentliyə namizədlər oxşar hücumların hədəfinə çevrilib.

ABŞ-da 4 prezident sui-qəsd nəticəsində həlak olub

Keçmiş ABŞ prezidenti Avraam Linkoln 1865-ci il aprelin 14-də həyat yoldaşı Meri Todd Linkolnla Vaşinqtonda "Bizim Amerikalı qohumumuz" komediya tamaşasında iştirak edərkən sui-qəsdə məruz qalıb. Hücumdan bir gün sonra vəfat edən Linkoln sui-qəsd nəticəsində ölən ilk ABŞ prezidenti oldu.

Sui-qəsddən iki il əvvəl, Vətəndaş Müharibəsi zamanı Konfederasiya daxilində qullara azadlıq verən Emancipation Proclamation yaydığı üçün Linkolnun qaradərililərin hüquqlarını dəstəkləməsi onun ölüm səbəbi kimi göstərilib.

ABŞ-da öldürülən ikinci prezident 2 iyul 1881-ci ildə Ceyms Qarfild olub. Qarfild vəzifəsinin 4-cü ayında silahla hücuma məruz qalıb. Vaşinqtondakı hücumda ağır yaralanan Qarfild sui-qəsddən 79 gün sonra, sentyabrın 19-da vəfat edib.

Ölkədə üçüncü sui-qəsd 1901-ci il sentyabrın 6-da ABŞ prezidenti Uilyam MakKinliyə qarşı olub. McKinley Nyu-Yorkda bir yarmarkada qəbul zamanı ona hücum edən şəxs tərəfindən iki güllə yarası alıb. Hadisə yerində ağır yaralanan MakKinli sentyabrın 14-də  dünyasını dəyişib.

ABŞ-da ölümlə nəticələnən sonuncu sui-qəsd 1963-cü ilin noyabrında ABŞ prezidenti Con Kennediyə qarşı olub. Kennedi həyat yoldaşı Jaklin Kennedi ilə Dallasa səfəri zamanı silahlı hücuma məruz qalıb. Con Kennedi xəstəxanaya aparılıb və qısa müddət sonra dünyasını dəyişib.

Sui-qəsd nəticəsdə uğrayan keçmiş ABŞ prezidentlərinin çoxu sağ qalıb

ABŞ prezidentlərindən biri olan Endryu Cekson vəzifədə olarkən sui-qəsdə məruz qalan və sağ qurtaran prezidentlərdən biri idi. 30 yanvar 1835-ci ildə işsiz bir adam ABŞ Kapitolinin pilləkənlərində cibindən çıxardığı iki silahla Ceksonu hədəf alıb.

Hər iki silah atəş açılmadığı üçün Cekson sağ qala bilib və o, dəyənəklə təcavüzkara cavab verib.

ABŞ prezidenti Franklin Ruzvelt də 1933-cü il fevralın 15-də Mayamidə silahlı hücuma məruz qalıb. Ruzvelt hücumdan sağ çıxsa da, Çikaqo meri Anton Kermak hadisə zamanı həyatını itirib.

1 noyabr 1950-ci ildə Puerto-Rikanın müstəqillik tərəfdarları Ağ Evin təmiri zamanı ABŞ prezidenti Harri Trumana sui-qəsd etməyə cəhd etdilər. Hər iki sui-qəsdçinin qarşısı təhlükəsizlik qüvvələri tərəfindən alınıb.

Bu dəfə 5 sentyabr 1975-ci ildə baş verən sui-qəsdlərin hədəfi ABŞ prezidenti Cerald Ford olub. Ford elə həmin il bir neçə həftə ərzində iki sui-qəsd cəhdinə məruz qalsa da, o, hadisələrdən xəsarət almadan xilas olub.

Təcavüzkarın silahı atəş açmadığı üçün Ford ilk sui-qəsd cəhdindən xilas olmağı bacarıb, həmçinin sentyabrın 22-də qadın təcavüzkar San-Fransiskoda bir otelin qarşısında güllə atdığı zaman qaçaraq  xilas olub.

ABŞ prezidenti Ronald Reyqan 1981-ci ilin martında paytaxt Vaşinqtonda çıxışından sonra karvanına doğru gedərkən silahlı hücum nəticəsində yaralanıb.

Corc Buşa 2005-ci ildə Tbilisidə Gürcüstan prezidenti Mixail Saakaşvili ilə birlikdə qatıldığı mitinqdə çıxışı zamanı əl qumbarası atılıb. Əl dəsmalı çox möhkəm bükülmüş olduğundan qumbaranın sancağı ilişib qalıb və bomba partlamayıb.

Son sui-qəsd Trampı hədəf alıb

Noyabrın 5-də keçiriləcək prezident seçkilərində namizədlərdən biri olan keçmiş prezident Tramp Pensilvaniyada mitinqdə çıxış edərkən kürsüdə silahla hücuma məruz qalıb. Hücumda Tramp qulağından yaralanarkən, 20 yaşında olduğu deyilən hücumçu öldürülüb, mitinqdə olan 1 nəfər də dünyasını dəyişib.

ABŞ prezidentliyinə namizədlər də hücumların hədəfinə çevrilib

Silah zorakılığının tez-tez baş verdiyi ABŞ-da prezidentliyə namizədlər, eləcə də prezidentlər sui-qəsd və hücumların hədəfinə çevrilib.

ABŞ-ın keçmiş prezidenti Teodor Ruzvelt 1912-ci il oktyabrın 14-də ikinci seçki kampaniyası zamanı güllə hədəfi olub. Ruzvelt Milvaukeedəki mitinqdə sinəsindən güllə yarası aldığı bu hücumdan sağ çıxıb.

Keçmiş Baş Prokuror və Demokratlar Partiyasından prezidentliyə namizəd Robert F. Kennedi 1968-ci ildə Kaliforniyada keçirilən praymerizlərdə qalib gəldiyi üçün çıxışından bir neçə dəqiqə sonra Los-Ancelesdə silahlı hücumda öldürülüb. Kennedi Nyu Yorkdan olan ABŞ senatoru və 5 il əvvəl sui-qəsd nəticəsində öldürülən prezident Con Kennedinin qardaşı idi.

1972-ci ildə silahlı hücumun hədəfi Alabama ştatının keçmiş qubernatoru və prezidentliyə namizəd Corc Uolles olub. Uolles Merilend ştatında seçki kampaniyası zamanı hücum nəticəsində belindən aşağı iflic olub.

Qadir, Bizimyol.info