"Günəş hansı rəngdədir?" Çoxumuz yəqin ki, suala sarı cavab verərdik. Bununla belə, səmimiyyətlə deyə bilərik ki, bu barədə yanılırsınız. Beləliklə, Günəş sarı deyilsə, hansı rəngdədir?

Bizimyol.info "webtekno"ya istinadən xəbər verir ki, Günəş səmaya baxdıqda sarı görünə bilər və ya qürub zamanı narıncı və ya qırmızıya çevrilə bilər.

Günəşin əslində hansı rəngdə olduğunu görək.

Günəş əksər insanların düşündüyü kimi sarı deyil, ağ rəngdədir.

Günəş göy qurşağının bütün rənglərini bərabər miqdarda yayır və bu birləşmə ağ olur. Məhz, Yer atmosferi bizi kosmosun sərt mühitindən qoruyur və digər obyektlərə baxış tərzimizi dəyişir.

Günəş işığı prizmadan keçdikdə, ayrı-ayrı komponentlərə ayrılır. Ən yüksək enerjili işıq həm də ən qısa dalğa uzunluğuna və ən yüksək tezliyə malik olan işıqdır. Ən aşağı enerjiyə malik işıq dalğa uzunluqlarına və aşağı tezliklərə malikdir.

Günəşdən gələn ağ işıq atmosferdə hərəkət edərkən bir çox hissəciklərlə toqquşur və ətrafa səpələnir.

Səpilmənin səbəbi atmosferimizdəki oksigen, su, azot və karbon qazı atomları kimi görünməyən hissəciklərdir.

Deməli, dalğa uzunluğu qısaldıqca səpilmə miqdarı da artır

Məsələn, qısa dalğa uzunluğuna malik mavi işıq uzun dalğalı qırmızı işıqdan daha çox səpələnir. Bu qırılmalar və səpilmələr nəticəsində biz Günəş şüalarının gözümüzə dəydiyi bucaqdan asılı olaraq Günəşin rəngini fərqli qəbul edirik.

Bu səbəbdən Günəşin əsl rəngini görmək üçün Yer atmosferinin xaricinə çıxmaq lazımdır. Bundan əlavə, Beynəlxalq Kosmik Stansiyadan çəkilmiş fotoşəkillərə baxdıqda Günəşin əslində ağ rəngdə olduğu aydın görünür.

Qadir, Bizimyol.info