Prezident Ersin Tatar Şimali Kipr Türk Cümhuriyyətinin (ŞKTC) Türk Dövlətləri Təşkilatına (TDT) tamhüquqlu üzv olmasına verdiyi dəstəyə görə Azərbaycan Prezidenti İlham Əliyevə təşəkkür edib.

Bizimyol.info xəbər verir ki, Tatar: “Əliyev deyib ki, biz Azərbaycan olaraq ŞKTC-nin Türk Dövlətləri Təşkilatına tamhüquqlu üzv olmasını dəstəkləyirik. Bu çox təbiidir, çünki tarixən ŞKTC türk dünyasının bir parçasıdır. Orada yaşayan türklər bizim qardaşlarımızdır”, - deyə Azərbaycan Prezidentinin çıxışında sitat gətirib. Onun verdiyi açıqlamanın Kipr türk xalqı üçün əhəmiyyətli və dəyərli olduğunu vurğulayıb: “Cənab Əliyev Şərqi Aralıq dənizindəki türk dövlətinin, ŞKTC-nin hər sahədə türk dünyasının ayrılmaz bir parçası olduğunu dilə gətirdi”, - deyə Tatar bildirib.

Prezident Ersin Tatar Azərbaycan Prezidenti İlham Əliyevə ŞKTC xalqı adından təşəkkür edib. Tatar, Azərbaycan və ŞKTC qardaşlığının eyni millətin nümayəndələri olaraq əbədi yaşayacağını vurğulayaraq: "Lefkoşadan Bakıya qədər qardaşlığımız əbədi olacaq", deyib.