Türkiyə Cümhuriyyətinin 100 illiyi və Şimali Kipr Türk Cümhuriyyətinin 40 illiyi çərçivəsində Kiprli türk pianoçu Rüya Taner və türk yazıçı - musiqiçi Kürşat Başar Azərbaycanın paytaxtı Bakıda konsert verib.

Bakı Yunus Əmrə İnstitutunun təşkilatçılığı ilə Beynəlxalq Muğam Mərkəzində keçirilən konserti ŞKTC-nin Bakı təmsilçisi Ufuk Turqaner, Bakı Yunus Əmrə İnstitutunun koordinatoru Selçuk Karakılıç və çoxlu sayda qonaq izləyib.

ŞKTC Bakı Nümayəndəsi Turqaner konsertdən əvvəl etdiyi çıxışda ŞKTC-nin dünya şöhrətli sənətçisi Rüya Taner və Türkiyənin tanınmış sənətçisi Kürşat Başarın Bakıda sənətsevərlərlə görüşməsinin vacib olduğunu bildirib. Turqaner sənətçilərin bir-biri ilə ünsiyyət qurmalarını dəstəklədiklərini bildirib və Bakı Yunus Əmrə İnstitutuna təşəkkür edib.

Bakı Yunus Əmrə İnstitutunun koordinatoru Karakılıç Türkiyə Cümhuriyyətinin 100, Azərbaycanın ümummilli lideri Heydər Əliyevin anadan olmasının 100 və ŞKTC-nin yaradılmasının 40 ildönümündə hər üç dövləti incəsənət vasitəsilə bir araya gətirdiklərini bildirib.

Karakılıç bu konserti Türkiyə, Azərbaycan və KKTC arasında əlaqələri gücləndirmək üçün təşkil etdiklərini bildirib: “Üç dövləti mədəniyyət vasitəsilə bir araya gətirmək, bir-biri ilə həqiqi və orijinal əlaqələr qurmalarını təmin etmək, bir-biri ilə ünsiyyət və qarşılıqlı əlaqə kanallarını açmaq Yunus Əmrə İnstitutunun əsas vəzifəsidir. Bir-birimizi həqiqətən tanıdıqca fərqli və oxşar cəhətlərimizi kəşf edib böyük türk ailəsinin elmi və mədəni isrini müasir dünyaya ixrac edəcəyik”, - deyə qeyd edib.

Qadir, Bizimyol.info