Latviya Milli Silahlı Qüvvələri (LSQ) Aluksne bölgəsində elan olunan dron hücumu təhlükəsi səbəbindən Baltik regionunu patrul edən NATO qırıcısını döyüş vəziyyətinə gətirib.

Bizimyol.info xəbər verir ki, bu barədə ölkənin LSM dövlət televiziyası və radiosu LSQ-yə istinadla məlumat verib.

“Latviya hava məkanına mümkün təhlükə barədə məlumat veririk. Hazırda əlavə hərəkət tələb olunmur. Əgər vəziyyət dəyişsə, sizə zəruri tədbirlər barədə bildiriş göndəriləcək”, - deyə LSQ xəbərdarlıq edib.

LSM-in məlumatına görə, həyəcan 04:59-dan 06:25-dək yerli vaxtla davam edib. Vətəndaşlara ölkə hava məkanındakı mümkün təhlükə barədə telefon vasitəsilə xəbərdarlıq göndərilib.

Qeyd olunur ki, 7 mayda Latviyanın şərqində yerləşən Rezekne şəhərindəki neft bazasına dron düşərək dörd saxlama tankına ziyan vurub. O vaxt müdafiə naziri vəzifəsini tutan Andris Spruds bildirib ki, ilkin məlumatlara görə dronlar “Ukrayna tərəfdən Rusiya istiqamətinə doğru” daxil ola bilərdi. Rusiya Müdafiə Nazirliyi isə Ukrayna Silahlı Qüvvələrinin Sankt-Peterburq yaxınlığındakı mülki obyektləri hədəf almaq cəhdində Latviya hava məkanında altı dron qrupu aşkar etdiyini bildirib.

Bizimyol.info