ABŞ Konqresində Rusiya nefti almağa davam edən ölkələrə qarşı sanksiyalar tətbiq etməyə imkan verəcək qanun layihəsi irəli sürülüb.

Bizimyol.info xəbər verir ki, bu barədə bazar günü Cənubi Karolina ştatından Respublikaçı senator Lindsi Qrem məlumat verib.

“Biz irəliləyirik və bu qanun layihəsi ABŞ Prezidenti Donald Trampa Rusiyanı ucuz neft alışları ilə dəstəkləyən ölkələrə qarşı sanksiyalar tətbiq etmək imkanı verəcək”, – deyə Qrem öz sosial şəbəkə hesabında yazıb.

Senator həmçinin qeyd edib ki, qanun layihəsi ABŞ liderinə “Amerika maraqlarını irəli aparmaq üçün” imkan yaradacaq.

Əvvəllər "Bloomberg" agentliyi xəbər vermişdi ki, Hindistan hökuməti ABŞ administrasiyasından Rusiya neftinin alınması üçün lisenziyanın müddətinin uzadılmasını xahiş edib. ABŞ hökuməti mart ayında Rusiyadan alınan neft və neft məhsullarının satış əməliyyatlarına tətbiq olunan sanksiyaları ləğv edib; bu qərar sonradan uzadılıb və tamamlanıb. Vaşinqton bu addımı ABŞ-ın İranla müharibəsinin nəticəsi olaraq neft qiymətlərinin artması fonunda atıb.

Bizimyol.info