Polşa və İsrail Müdafiə Qüvvələri (İMQ) ilə bağlı sərt açıqlamalar səbəbindən diplomatik qarşıdurmaya girdi. Polşa Xarici İşlər Naziri Radoslav Sikorski tərəfindən İsrail Müdafiə Ordusuna ünvanlanan kəskin bəyanatlar münaqişənin səbəbi oldu. Hadisəyə səbəb, Livanda İQM ehtiyat qüvvəsinin İsa peyğəmbərin heykəlini dağıtdığı fotonun yayılmasıdır.

Bizimyol.info xəbər verir ki, Sikorski qeyd edib ki, İsrailin Xarici İşlər Naziri Gideon Saar üzr istəməklə haqlı olub və “üzr istəmək üçün səbəb vardı”. Onun sözlərinə görə, hərbçi cəzalandırılmalı, İsrail isə əsgərlərin hazırlıq metodlarını nəzərdən keçirməlidir.

Polşalı diplomat həmçinin İsrail hərbçilərini hərbi cinayətlərdə günahlandıraraq iddia edib ki, ordu yalnız Fələstinli dinc sakinləri deyil, həm də öz girovlarını öldürüb.

Buna cavab olaraq Saar ittihamları “ciddi, əsassız və böhtan xarakterli” adlandırıb. O vurğulayıb ki, hər hansı müharibədə dost atəşindən bəzi hadisələr baş verə bilər, lakin İMQ, onun sözlərinə görə, hər hansı digər Qərb ordusundan dəqiq hərəkət edir və mülki itkiləri minimuma endirməyə çalışır.

İsrailli nazir əlavə edib ki, ölkəsinin ordusu peşəkar və etik olaraq qalır, Qərb dövlətləri isə onun terrorla mübarizə təcrübəsini öyrənir. Bundan əlavə, o, polşalı həmkarını Polşa parlamentində baş vermiş antisemit hadisəni qınamağa çağırıb.

Bizimyol.info