Belarus müharibə olacağı halda qoşunların sayını 500 min nəfərə qədər artıra bilər.

"Report" xəbər verir ki, bunu Belarus Prezidenti Aleksandr Lukaşenko Silahlı Qüvvələrinin yoxlanışına yekun vurarkən bildirib.

Onun sözlərinə görə, hazırda Belarus ordusunun sayı 100 min nəfərdir. Lukaşenko qeyd edib ki, daxili qoşunlar, Dövlət Təhlükəsizlik Komitəsi və digər strukturların əməkdaşları nəzərə alınmaqla, ümumi say yarım milyona çata bilər.

"Müharibə halında əlavə çağırış nəzərə alınmaqla yarım milyon", - Belarus Prezidenti deyib.