Tehran Vaşinqtona bildirib ki, o, müvəqqəti atəşkəsdə deyil, tamhüquqlu sülh sazişində və ABŞ ilə İsrailin gələcəkdə hücumları bərpa etməyəcəyinə dair zəmanətlərdə maraqlıdır.

Bizimyol.info xəbər verir ki, bu barədə "The New York Times" nəşri adı açıqlanmayan İran rəsmilərinə istinadən məlumat yayıb.

Qəzetin yazdığına görə, İranın xarici işlər naziri Abbas Əraqçi bu tələbləri ABŞ prezidentinin xüsusi nümayəndəsi Stephen Vitkoff ilə söhbəti zamanı səsləndirib. Mənbələrin bildirdiyinə görə, Tehran eyni zamanda konkret iqtisadi sanksiyaların ləğvinə nail olmaq istəyir.

Danışıqlardan əvvəl ABŞ tərəfi qeyd edib ki, məhdudiyyətlərin yumşaldılması yalnız İranın nüvə proqramı ilə bağlı irəli sürülən tələbləri yerinə yetirməsi halında mümkündür.

Bundan əvvəl ABŞ prezidenti Donald Trump "Truth Social" sosial şəbəkəsində yazıb ki, ABŞ və İran son iki gün ərzində Yaxın Şərqdə hərbi əməliyyatların dayandırılması ilə bağlı konstruktiv danışıqlar aparıblar. O, həmçinin bildirib ki, respublikanın enerji infrastrukturuna zərbələrin endirilməsini beş gün müddətinə təxirə salmaq üçün Pentaqona göstəriş verib.

Eyni zamanda İran Xarici İşlər Nazirliyinin rəsmi nümayəndəsi Esmail Baghaei IRNA agentliyinə açıqlamasında bildirib ki, Tehran Vaşinqtonla birbaşa danışıqlar aparmayıb, lakin öz mövqeyini vasitəçilər vasitəsilə çatdırıb.

Bizimyol.info