ABŞ prezidenti Donald Tramp İsrailin artıq İranın Cənubi Pars qaz yatağı obyektlərinə zərbə endirməyəcəyini bildirib.

Bizimyol.info xəbər verir ki, bu barədə o, "Truth Social" sosial şəbəkə platformasında yazıb.

"ABŞ bu hücum barədə heç nə bilmirdi və Qətər heç bir şəkildə münaqişədə iştirak etmirdi və ya bunun baş verəcəyindən xəbəri də yox idi", - deyə o qeyd edib. Amerika lideri hesab edir ki, yəhudi dövləti zərbəni "Yaxın Şərqdə baş verənlərə qarşı qəzəbdən" həyata keçirib. ABŞ prezidentinin sözlərinə görə, yatağın obyektlərinin "yalnız kiçik bir hissəsi" zədələnib.

Vaşinqton administrasiyasının rəhbəri vurğulayıb ki, "İran tamamilə günahsız bir tərəfə - bu halda Qətərə hücum etmək barədə ağılsız qərar verməsə, İsrail artıq son dərəcə vacib və dəyərli Cənubi Pars qaz yatağına zərbə endirməyəcək".

18 martda İranın Buşəhr əyalətindəki Əsəlluyə rayonunun rəhbəri İsrail və ABŞ-ın zərbəsi nəticəsində Cənubi Pars neft yatağında bir neçə obyektdə yanğın baş verdiyini bildirib. Nəticə etibarilə, İslam İnqilabı Keşikçiləri Korpusu (İİKK) yaxın gələcəkdə Səudiyyə Ərəbistanı, BƏƏ və Qətərdəki neft və qaz obyektlərinə hücum etmək niyyətində olduğunu açıqlayıb.

Qadir, Bizimyol.info