1932-ci ildə insanlarla emu quşları arasında müharibənin baş verdiyini desək necə olar? Bəs, sizcə, hansı tərəf qalib gəldi?

Bizimyol.info "webtekno"ya istinadən xəbər verir ki, emus, uzun boyunları və ayaqları ilə dəvəquşulardan sonra ən uzun quş növüdür. Onların uçmaq qabiliyyəti yoxdur, lakin lazım olduqda saatda 50 km sürətlə qaça bilirlər.

Bəs insanlarla emu quşları arasındakı bu müharibənin qalibi kim oldu?

Birinci Dünya Müharibəsi başa çatdıqdan sonra avstraliyalı əsgərlər fermer kimi gündəlik işlərinə qayıtmaq istəyirdilər

Lakin hökumət dəstəyinin olmaması onlara mane oldu və buğdanın qiyməti 1929-cu il Böyük Depressiyadan sonra düşməyə davam etdi. 1932-ci ildə vəziyyət daha da pisləşdi.

Təxminən 20.000 emu quşu çoxalma mövsümündə əraziyə axın etdi. Qərbi Avstraliyanın sulu əkin sahələrini sevməyən quşlar məhsul oğurlamağa və ümumi qarışıqlıq yaratmağa başladılar.

Keçmiş hərbçilərin emu quş ordusunun tam bir narahatlıq yaratması ilə bağlı fikirləri ilə razılaşan Avstraliyanın müdafiə naziri əsgərlərə pulemyot və çoxlu sursat verib.

Müharibə rəsmi olaraq 1932-ci ilin noyabrında başladı

Emu quşları və avstraliyalı əsgərlər arasındakı bu döyüş insanlar tərəfindən çox asan bir qələbə hesab edilirdi, lakin gözlənilən kimi olmadı. Çünki emular inanılmaz dərəcədə çevik quşlar idi.

Kolların və ağacların arxasında gizləndilər, əsgərlərin dəqiq atış ala bilmədiyi yerləri seçirdilər. Bu quşlar sanki anlayırdılar ki, "cəbhə xəttindən" kifayət qədər uzaqda dursalar, əsgərlər onları vura bilməzlər.

Əsgərlərin silahlarından çıxan güllələr bir emu quşuna dəydikdə, onlara təəccüblü dərəcədə az xəsarət yetirdi. Məsələn, bir emuya 5 dəfə atəş açılsa belə quş ölmürdi.

Bir əsgər bir emu öldürməyin yeganə yolunu belə ifadə etdi:

“Ağzı bağlı halda başının arxasına vurmaq” və ya “Ağzı açıq halda ağzının qabağından vurmaq. Bu, nə qədər çətindir”, - deyə acı bir şəkildə ifadə edib.

Digər tərəfdən, əsgərlər pusqu cəhdi zamanı 1000 emunu mühasirəyə aldılar, lakin 12 güllə atıldıqdan sonra silahlar sıxışdı və emu quşları xilas oldu. Hətta onları nəqliyyat vasitələrinin arxasında təqib etmək və hərəkətdə olarkən onlara atəş açmaq da nəticəsiz qalıb.

Çünki əsgərlərin silahları dəqiq atmırdı və təchizat kifayət qədər deyildi. Nəticədə təxminən 10.000 güllə atıldı və yalnız 1000 emu quşu öldü. Bu, əsgərlərin onda bir dəqiqlik dərəcəsinə malik olduğunu göstərirdi.

Nəhayət, emu bölgəni tərk etdi. Ancaq bunun səbəbi onların yeməklərinin tükənməsi idi. Bu, Avstraliya əsgərlərinin emu quşları tərəfindən məğlub edildiyi gülməli bir müharibə kimi yaddaşlarda qaldı.

Qadir, Bizimyol.info