Sahibkar Elon Mask hesab edir ki, ABŞ prezidenti Co Baydenin televiziya debatındakı fəlakətli çıxışı amerikalıları bir araya gətirib.

Bizimyol.info xəbər verir ki, o, bu barədə , "X" sosial platformasında yazılan şərhə münasibət bildirərkən qeyd edib.

"Razıyam, uzun müddətdən sonra ilk dəfə həm Respublikaçıların, həm də Demokratların bir şeydə razılaşdıqlarını görürəm", - deyə o münasibət bildirib. Mask debat zamanı “prezidentin alçaldılmasını izləmək”in “ən birləşdirici şeylərdən biri” olduğunu qeyd edən bir platforma istifadəçisinin yazısını şərh etdi.

ABŞ-da prezident seçkiləri noyabrın 5-də keçiriləcək. Tramp artıq Respublikaçıların dövlət başçısı vəzifəsinə namizəd kimi irəli sürülməsi üçün lazımi sayda nümayəndə səsini toplayıb. İkinci müddətə namizədliyini irəli sürən hazırkı ABŞ prezidenti Co Bayden də Demokratlar Partiyasından kifayət qədər sayda nümayəndənin dəstəyini qazanıb.

Qadir, Bizimyol.info