NATO Çini rəqib hesab etmir, lakin alyans Pekinin təşkilatın dəyərlərinə və maraqlarına meydan oxuduğuna inanır.

Bizimyol.info xəbər verir ki, bu fikri NATO-nun səlahiyyət müddəti başa çatan baş katibi Yens Stoltenberq “Yomiuri” qəzetinə müsahibəsində bildirib.

“NATO Çini düşmən hesab etmir, lakin Pekin bizim dəyərlərimizə, maraqlarımıza və təhlükəsizliyimizə meydan oxuyur”, - deyə o qeyd edib. Stoltenberq həmçinin iddia edib ki, Çin Xalq Respublikası (ÇXR) Tayvanı və ona qonşu olan ölkələri təhdid edir.

Bundan əlavə, NATO baş katibi Çini Rusiya Federasiyasına hərbi dəstək verməkdə ittiham edib. O bildirib ki, bununla Pekin “İkinci Dünya Müharibəsindən sonra Avropada ən böyük müharibəni alovlandırır”.

Pekin dəfələrlə Rusiya hərbi-sənaye kompleksi ilə əlaqələr bəhanəsi ilə ABŞ-ın Çin müəssisələrinə qarşı birtərəfli sanksiyalarına qarşı çıxıb və qeyd edib ki, Rusiya Federasiyası və ÇXR normal ticarət-iqtisadi əməkdaşlıq hüququna malikdir. Çinin Vaşinqtondakı səfirliyinin mətbuat katibi Liu Penqyu daha əvvəl Rusiya mətbuatına bildirib ki, Birləşmiş Ştatlar Çinin Rusiyaya hərbi dəstək verdiyi barədə dezinformasiya yayır.

Qadir, Bizimyol.info