İsrailin Belqraddakı səfirliyi yaxınlığında Serb Respublikası Daxili İşlər Nazirliyinin əməkdaşını yaralayan terrorçunun şəriki olduğu ehtimal edilən şəxs saxlanılıb.

Bizimyol.info xəbər verir ki, bu barədə Serb Respublikasının daxili işlər naziri İvitsa Daçiç məlumat verib.

"Belqradda terror fəaliyyətində şübhəli bilinən şəxs saxlanılıb. Söhbət 1999-cu ildə Belqradda anadan olmuş İqor Despotoviçdən gedir", - deyə nazirin sözləri Daxili İşlər Nazirliyinin saytında yerləşdirilən məlumatda sitat gətirilib. O əlavə edib ki, Despotoviç “iki il əvvəl internetdə cihada çağırış edən bir neçə qrupa rəhbərlik etdiyi üçün artıq saxlanılıb”.

Saxlanılan şəxsin terrorçu ilə gündəlik əlaqədə olduğu və buna görə də onun terror aktının maddi-texniki təminatı və təşkilində bilavasitə iştirak etdiyinə dair şübhələr var.

İyunun 29-da bir nəfər İsrail səfirliyini qoruyan Serbin Daxili İşlər Nazirliyinin zabitini "arbalet" silahı ilə boynundan yaralayıb. Hücum edən asayiş keşikçisinin cavab atəşi ilə zərərsizləşdirilib.

Xəsarət alan hüquq-mühafizə orqanının əməkdaşı Belqrad xəstəxanasının reanimasiya şöbəsinə yerləşdirilib və əməliyyat olunub. İsrail Xarici İşlər Nazirliyinin məlumatına görə, diplomatlardan heç biri xəsarət almayıb.

Serbin Daxili İşlər Nazirliyinin rəhbəri bunun terror aktı olduğunu bildirib. O, terror təhlükəsi ilə əlaqədar ölkədə qırmızı həyəcan elan edib. Daçiçin sözlərinə görə, hücumu 25 yaşlı Serb vətəndaşı həyata keçirib. İlkin məlumatlara görə, o, radikal islamçı hərəkatın tərəfdarı olub.

Qadir, Bizimyol.info