ABŞ Milli Nəqliyyat Təhlükəsizliyi Şurası (NTSB) "Boeing 737 MAX 9" tipli sərnişin təyyarəsinin gövdəsinin bir hissəsinin qopması ilə bağlı insidentin ictimai olmayan araşdırma məlumatlarını mediaya açıqlayaraq İdarə Heyətinin təhqiqat qaydalarını pozduğuna görə "Boeing"ə qarşı sanksiyalar tətbiq edib.
Bizimyol.info xəbər verir ki, NTSB-dən verilən açıqlamada şirkət mətbuata açıqlanmayan araşdırma məlumatları yayaraq və insidentlə bağlı spekulyasiya edərək: "O, NTSB-nin istintaq qaydalarını və NTSB ilə imzaladığı məxfilik müqaviləsini açıq şəkildə pozdu", - deyə bildirilir.
Açıqlamada bu pozuntunun “Boeing” kommersiya təyyarəsinin Keyfiyyət üzrə baş vitse-prezidenti Elizabet Lundun mətbuat konfransı zamanı verdiyi məlumatdan sonra şirkətə qarşı bir sıra məhdudiyyət və sanksiyaların tətbiq edildiyi bildirilib.
Açıqlamada "Boeing"ə tətbiq edilən sanksiyalar çərçivəsində araşdırma ilə bağlı dərc edilməmiş məlumatları görməsinin qadağan edildiyi və şirkətin istintaqdakı rolunu davam etdirəcəyi bildirilib.
Açıqlamada avqustun 6-7-də Vaşinqtonda keçirilməsi planlaşdırılan istintaq dinləmələrində iştirak üçün şirkətə çağırış vərəqəsinin göndərildiyi qeyd edilib və məhkəmədə şirkət nümayəndələrinin digər iştirakçılara sual vermək hüququnun olmadığı vurğulanıb.
"Boeing" rəsmiləri, sözügedən sanksiya ilə bağlı "FOX Business News"a verdiyi açıqlamada: “Biz qəzaya görə məsuliyyətimizi izah edərkən təqdim etdiyimiz bəzi məlumatlarda NTSB-nin istintaq məlumatı mənbəyi kimi roluna əhəmiyyət vermədiyimiz üçün çox təəssüflənirik”, - deyə qeyd edib.
Şirkətin NTSB-dən üzr istədiyi açıqlamada "Boeing"in araşdırma ilə bağlı istənilən sualı cavablandırmağa hazır olduğu bildirilib. Lund həftənin əvvəlində keçirdiyi mətbuat konfransında təyyarənin gövdəsinin təchizatçıdan “qeyri-standart” göndərildiyi barədə məlumat paylaşıb.
ABŞ-ın Alyaska Hava Yollarına məxsus "Boeing 737 MAX 9" tipli sərnişin təyyarəsi havada olarkən gövdəsinin bir parçasının qopması səbəbindən yanvarın 5-i axşam saatlarında məcburi eniş edib. Oreqondan Kaliforniyaya gedən təyyarə havaya qalxdıqdan təxminən 35 dəqiqə sonra təcili eniş etməli olub və gövdə hissəsinin qopduğu hissədə sərnişinlərin olmadığı bildirilib.
Alaska Hava Yolları tərəfindən edilən yazılı açıqlamada, təyyarənin 171 sərnişin və 6 heyət üzvü ilə təhlükəsiz eniş etdiyi açıqlanıb. Açıqlamada 65 ədəd "737 MAX 9" tipli təyyarənin müvəqqəti olaraq yoxlanılmaq üçün istifadədən çıxarılacağı və yoxlamaların bir neçə gün davam edəcəyi təxmin edildiyi bildirilib.
Milli Nəqliyyat Təhlükəsizliyi Şurası hadisə ilə bağlı araşdırmalara başlayıb.
Qadir, Bizimyol.info
