Azərbaycanla sərhədin delimitasiyası prosesində ərazi mübadiləsi məsələsi yaranarsa, Ermənistan hakimiyyəti referendum keçirəcək.

Bizimyol.info xəbər verir ki, Ermənistan Nazirlər Kabinetinin mətbuat xidmətinin məlumatına görə, bu barədə Ermənistanın baş naziri Nikol Paşinyan Ermənistanın Sünik rayonunun Şinuayr kəndində bildirib.

“Elə bir vəziyyət ola bilər ki, burada 100 kv.m verib, oradan 100 kv.m alarıq. Bu halda biz heç nə qərar verməyəcəyik. Referendum keçirmək lazımdır, siz qərar verəcəksiniz”, - deyə kənd sakinlərinə bildirib.

Paşinyan həmçinin bəyan edib ki, Ermənistanın heç bir ölkəyə ərazi iddiası yoxdur. Onun sözlərinə görə, “Ermənistan ərazisindən kənarda torpaq iddiasına təhrik edən” bütün dövlətlər Ermənistanın dövlətçiliyini məhv etmək istəyiblər.

Aprel-may aylarında Ermənistan və Azərbaycan Tavuş vilayətinin bir hissəsində sərhədlərin delimitasiyası prosesi həyata keçirib, nəticədə sovet dövründə Azərbaycanın tərkibində olan 4 kənd Bakının nəzarətinə keçib. Müxalifət Paşinyanı “torpaq verməkdə” ittiham edərək, bunun birtərəfli güzəşt olduğunu, çünki bunun Azərbaycanın 2021-2022-ci illərdə Ermənistanın işğalından azad tdiyi əraziləri tərk etməyəcəyini bildirib.

Qadir, Bizimyol.info