Ekspert saxta linzaların Afrikada istehsal olunduğunu, ancaq Almaniya malı kimi markalandığını iddia edir
"İnsanları kor edirlər"! Əziz dostlar "Azad İstehlakçılar" İctimayi Birliyi (AİİB) daxil olan məlumatlar əsasında araşdırma aparıb və aşağıdakı məzmunlu məktubla eyni zamanda iqtisadiyyat naziri Şahin Mustafayevə və Gömrük Komitəsinin sədri Səfər Mehdiyevə də müraciət etmişdir. İlkin tədqiqat göstərir ki, bu göz protezləri hac də Almaniyada deyil, son dərəcə kasib və geridəqalmış bir Afrika ölkəsində istehsal olunur. Həkimlər bu pis əməllərindən əl cəksələr yaxşı olar, axı insanlar yazıqdı! Görək dövlət orqanları nə edəcək!”
Bu statusu öz faysbuk səhifəsində “Azad İistehlakçılar” İictimai Birliyinin sədri Eyyub Hüseynov yazıb. O, bununla bağlı səhiyyə naziri Oqtay Şirəliyevə ünvanladığı məktubu da paylaşıb. Bizimyol.info həmin məktubu diqqətinizə çatdırır: “
Azərbaycan Respublikasının
Səhiyyə Naziri Cənab Oktay Şirəliyevə
Hörmətli Oktay müəllim,
“Azad İstehlakçılar”İctimayi Birliyinə(AİİB) “Brenner”göz linzalarının şübhəli markalanması ilə bağlı istehlakçı məlumatları daxil olmuş və AİİB tərəfindən malın markalanmasına və mənşəyinə dair araşdırma aparılmışdır. Aşağıdakılar məlum olmuşdur:
1.Malın üzərində 2 ştrix-kod vardır:
1.1 “EAN-13 benəlxalq perefiksinə müvafiq GS1 ştrix-kodu,digəri
1.2“GS1-128 tələblərinə uyğun.
Hər iki ştrix-kod saxtadır!
Beləki 1.1.1-“EAN-13” ştrix-kodu səlahiyyətli təşkilatın xüsusi avadanlıği ilə oxunmuş aşağıdakı nəticələr əldə olunmuşdur(nəticələr bu nəktuba əlavə olunur).
-Ştrix-kodun insan oxuyan hissəsində 400701014056847 yazılsa da skaner oxuyan rəqəm 4607014056847 (Rusiya)-dir.
-GS1 standartına uyğun olan məhsulun üzərində yazılmış ştrix-kodun sonuncu rəqəmi “7” yox “5” olmalıdır!
2. GS1-128 ştrix-kodu skanerlə oxunmamışdır. (01)rəqəmindən sonra məhsulunGTİN adlanan nömrəsi göstərilməlidi,yəni 4007014056845 ədədi olmalıdir. lakin belə deyil!
3. Skaner oxuyan zaman aşkarlanan ştrix-kod(4607014056847) və məhsul üzərində qeyd olunan ştrix-kod(4007014056847) haqqında məlumatlar beynəlxalq GEPİR axtariş sistemində aşkar olunmamişdir.
4. Markalanmada istehsal müəssiəsinin adı və ölkəsi qeyd olunmayıb, içlik vərəqə AZ dilində deyil və malın Almaniyada istehsal olunduğu göstərilir.
5 AR-nın Səhiyyə Nazirliyinin müvafiq qurumundan şifahi olaraq çətinliklə aldığımız məlumata görə
(hörmətli Mahmud müəllim) “Brenner” linzalarının idxalına icazə verilməyib.
Sadalanan faktlar göstərir ki, işbazlar saxta linzaları “Brenner” markası altında, Almaniya istehysalı olan linza kimi təqdim edərək, satışını təşkil etmişlər.
Bu saxtakarlıq nəticəsində gözün katarakta və digər əməliyyatlarında Almaniya istehalı və “Brenner” markası altında saxta, mənşəyi bilinməyən linzalardan istifadə olunmuşdur. Pasinetlər avropa keyfiyyətli linzalar qoyulduğunu düşünsələrdə, nəticədə həkimlər və pasientlər aldanılmış vəziyytdə qalmışlar. Yüzlərlə pasientlərin hüquqları pozulmuş və sağlamlıqları risk altına düşmüşdür.
Məsələnin insan sağlamlığına təhlükə olduğunu və istehlakçıların hüquqları kobud şəkildə pozulduğunu nəzərə alarar, araşdırma aparılması zərurudir. İctimai təşkilat olaraq biz istehlakçıların hüquqlarının qorunması naminə, saxta “Brenner” linzalarından istifadə edən klinika və həkimlərin adları müəyyən olunmasına və bu sahədə şəffaflıq yaradılmasına çalışacayıq.
Xahiş edirik qeyd olunan şübhəli mənşəli “Brenner” markalı linzaların (göz protezi) istifadəsinin qarşısının alınması üçün lazımi tədbirlər görülməsi haqqında göstəriş verəsiniz.
Hörmətlə, “Azad İstehlakçılar” ictimai birliyinin sədri E. M. Hüseynov”
