Bakı Metropoliteninin 28 May stansiyasının əsas girişi müvəqqəti bağlanıb.

Bu barədə Oxu.Az-a açıqlamasında “Bakı Metropoliteni”nin mətbuat xidmətinin rəhbəri Bəxtiyar Məmmədov məlumat verib.

Onun sözlərinə görə, metronun girişi saat 19.00 radələrində 5 dəqiqəlik bağlanıb:

“Buna səbəb həmin saatlarda metroda sərnişin sıxlığının çox olması olub. Sərnişin sıxlığını aradan qaldırmaq və təhlükəsizlik tədbirlərini gücləndirmək məsədilə əsas giriş qısa müddətə bağlanıb. Sərnişinlərin tam təhlükəsiz hərəkəti bərpa edildikdən sonra giriş açılıb və normal qaydalara uyğun şəkildə stansiya fəaliyyətini davam etdirib. Hazırda sıxlıq aradan qaldırılıb. Qatarların hərəkətində heç bir gecikmə yoxdur”.